Ngano siya man imong gihigugma ug dili ako?

by seventhgenius (Steve Paul Cabato)
(Male Version)

Ngano siya man imong gihigugma ug dili ako?
Nga dili man ta siya guwapo.
Naminti ko sa kalagot, kasingkasing naghuot
Nag-antos sa kahapdos ug kangutngot.
Gugma ko kanimo naalaot
Kasingkasing nimo way saktong pamuot.

Ania ako ambungan nga pagkaulitawo
Buotan, gwapo ug dagko'g braso
Bisan man tuod kun mokanta ko sintunado
Pero kun pasayawon nimo super agresibo
Bisan man tuod ako palahubog
Pero kun papaulion nimo ako makatuod

Natahap ko basin ikaw gilumay
Kay sa iyang mga bukton ikaw nagpauraray.
Wa gani kabantay sa daghang nagtamay
O kaha abton ug tumang kalaay
Kon mamati sa ilang maymay
Kay lagi sila imong mga alalay.

Tingali ikaw kaniya nabuta
Kay bisan sa kadako anang imong mata
Wa ka gyud gani ka kakita
Sa hiyong ug manukon niyang mata,
Ug sa nawong niyang murag baka.(gikuha na line from the song Palagot sa Kontra.)